Në zonën turistike të Valbonës, inspektorët e Inspektoratit të Mbrojtjes së Territorit (IMT) kanë kapur 4 banorë të fshatit duke ndërtuar pa leje.
Operacioni u realizua pas verifikimeve të bëra nga IMT, që konstatuan objektet në ndërtim pa dokumentacion ligjor. Pas njoftimit të Policisë, shërbimet e Komisariatit të Tropojës proceduan në gjendje të lirë shtetasit A. S., B. S., A. S., dhe V. S., të gjithë banues në Valbonë.
Materialet i kaluan Prokurorisë për hetime të mëtejshme.
