Presidenti francez Emmanuel Macron rikonfirmoi sot mbështetjen e tij për Ukrainën dhe përsëriti dënimin ndaj përshkallëzimit të sulmeve ruse kundër Ukrainës.
Reuters raporton se Macron ka zhvilluar një telefonatë me Zelenskyn dhe ka dënuar me terma të ashpër sulmet pa dallim të Rusisë.
“Sulmet e fundit, rritja e bashkëpunimit me Korenë e Veriut dhe retorika e papërgjegjshme që i shoqëron ato, janë pjesë e një përshkallëzimi të papranueshëm nga ana e Rusisë, e cila vazhdon të ndjekë një plan revizionist, brutal dhe imperialist në shkelje të të drejtave sovrane të Ukrainës dhe Kartës së Kombeve të Bashkuara”, tha Macron gjatë telefonatës.
Ai ka nënvizuar se logjika e përshkallëzimit nuk mund të përmbysë vendosmërinë e Francës për të vazhduar të ndihmojë Ukrainën dhe për aq kohë sa të jetë e nevojshme.
