Klubi i Fiorentinës ka lëshuar një deklaratë zyrtare pas incidentit që ndodhi gjatë ndeshjes së fundit të klubit, ku mesfushori Edoardo Bove pësoi një kolaps në fushën e lojës.
Në njoftimin zyrtar të klubit, thuhet se: Bove mbërriti në kushte të qëndrueshme hemodinamike dhe analizat e para kardiologjike dhe neurologjike të kryera kanë përjashtuar mundësinë e dëmtimit akut të sistemit nervor qendror dhe të sistemit kardiak-respirator. Gjendja e tij do të kalkulohet pas 24 orësh nën kujdesin intensiv. Lutjet tona janë me ty, Edo!
Incidenti ka ndodhur gjatë një ndeshjeje të rëndësishme, kur Bove ra në tokë pas një momenti të papritur, duke detyruar ndërprerjen e lojës dhe transportimin e tij menjëherë në spital. Situata ka krijuar shqetësim, por tashmë klubi ka siguruar tifozët dhe publikun se gjendja e lojtarit është nën kontroll dhe se ai po merr trajtimin e duhur.
Fiorentina ka falënderuar gjithashtu stafin mjekësor për reagimin e shpejtë dhe të efektshëm në vendngjarje, duke u angazhuar që të ofrojë përditësime të mëtejshme për gjendjen shëndetësore të Bove pas 24 orësh monitorimi të kujdesshëm.
