Shqipëria po shndërrohet në një destinacion tërheqës për turistët britanikë, veçanërisht gjatë dimrit. Sipas një artikulli të botuar në gazetën britanike “The Mirror”, me fluturime vajtje-ardhje që kushtojnë vetëm 24 paund dhe akomodim në hotele për 32 paund natën, Shqipëria ofron mundësi për pushime të përballueshme. Shpenzimet për ushqim dhe pije janë gjithashtu të ulëta, duke ofruar një përvojë të kënaqshme dhe të lirë për vizitorët.
Ekspertët sugjerojnë që periudha më e mirë për të udhëtuar në Shqipëri është nga prilli deri në fillim të qershorit, por për ata që duan të shmangin turmat, dhjetori deri në shkurt mbetet një opsion i shkëlqyer.
Tirana është një nga destinacionet më popullore, ndërsa plazhet e Sarandës dhe malet e Dajtit janë gjithashtu atraksione të njohura për adhuruesit e natyrës.
