Katër shqiptarë dhe një bullgar janë dënuar me dhjetra vite burg në Britaninë e Madhe për trafikun ndërkombëtar të kokainës, e cila ishte fshehur në një ngarkesë bananesh.
Sasia e drogës kishte vlerë tregu prej 200 milion paund dhe ishte më e madhja e kapur në MB në vitin 2021. Petko Zhutev, bullgari që u arrestua për dërgimin e kokainës nga Kolumbia, u dënua me 27 vite burg. Po ashtu, shqiptarët Erik Muci, Olsi Ebeja, Bruno Kuci dhe Gjergji Diko morën dënime nga 18 deri në 33 vite, përfshirë akuzat për import dhe furnizim me drogë të klasit A.
Ky operacion u zbulua pas kapjes së ngarkesës nga autoritetet britanike në Portsmouth.
