Dy të rinj, një 16-vjeçar dhe një 22-vjeçar, janë proceduar penalisht nga policia e Gjirokastrës pasi një 14-vjeçar përfundoi në spital pas konsumimit të kanabisit.
Sipas hetimeve, 16-vjeçari dyshohet se ia ka dhënë substancën 14-vjeçarit, i cili ka pasur probleme shëndetësore dhe ka kërkuar mjekim. 22-vjeçari ishte i pranishëm në momentin e ngjarjes, por nuk ka ndërhyrë ose raportuar rastin.
Gjatë kontrollit në banesën e 16-vjeçarit, policia gjeti dhe sekuestroi një sasi të vogël kanabisi. 14-vjeçari është jashtë rrezikut për jetën.
