Pak ditë pasi e mori të pandehur, Eduard Duro, kryebashkiak i Devollit, nën akuzë për “shpërdorim detyre” është paraqitur sot në SPAK.
Duro akuzohet se licencoi një biznes, pikë karburanti në Bilisht, që ishte ndërtim pa leje.
Hetimi i SPAK erdhi pas një kallëzimi të depozituar në Prokurorinë e Posaçme Antikorrupsion, nga një subjekt tjetër.
Vetë Duro mohoi akuzën duke thënë se ka firmosur autorizimin e ligjshëm të Tatim-Taksave për shitjen e subjektit.
