Mbrëmjen e sotme, një zjarr përfshiu banesën e Vasil Kolës në fshatin Markatomaj të Lezhës.
Dyshohet se shkëndija elektrike shkaktoi flakët që shkrumbuan dhomat e shtëpisë. Fatmirësisht, familjarët arritën të dalin në kohë, por nuk mundën ta shuanin zjarrin.
Forcat zjarrfikëse ndërhynë për të kontrolluar flakët dhe për të parandaluar përhapjen e mëtejshme. Dëmet materiale janë të konsiderueshme.
