Kryetari i bashkisë së Tropojës Rexhë Byberi ka thyer masëne sigurisë “arrest shtëpiak” të caktuar nga GJJKO.
Ditën e sotme Byberi është paraqitur në ambientet e bashkisë dhe ka zhvilluar një mbledhje me drejtuesit e administratës dhe më pas është larguar. Me anë të një postimi në rrjetet sociale nga një person që ka marrë pjesë në mbledhje shikohet edhe kryetari i bashkisë Rexhë Byberi.
Ai u akuzua për shpërdorim detyre, si dhe për veprta penale “Prerje e paligjshme e pyjeve” dhe “Shkatërrim i pronës”.
Sipas hetimeve nga SPAK, Byberi së bashku me nënkryetarin e bashkisë Abedin Kërnaja kanë shkelur ligjin në miratimin e dy vendimeve në Këshillin Bashkiak për ndërtimin e rrugëve, duke i shkaktuar buxhetit të shtetit një dëm prej 277 milionë lekësh.
