Irani ka filluar evakuimin e komandantëve dhe personelit të tij ushtarak nga Siria, pasi luftimet mes forcave qeveritare dhe atyre opozitare janë intensifikuar. Sipas raporteve të New York Times, veprimi është një reflektim i aftësisë së zvogëluar të Iranit për të mbështetur regjimin e Bashar al-Assad në mes të një ofensivë të përshkallëzuar nga forcat anti-qeveritare.
Evakuimi përfshin udhëheqës të lartë të Forcës Quds, krahu i jashtëm i Gardës Revolucionare Islamike (IRGC), si dhe stafin diplomatik iranian dhe familjet e tyre, të cilët janë zhvendosur kryesisht në Irak dhe Liban. Po ashtu, një pjesë e stafit të ambasadës iraniane në Damask dhe disa baza të IRGC janë evakuuar. Ky zhvillim vjen në një kohë kur forcat opozitare siriane kanë arritur të pushtojnë qytetin Daraa, një simbol të kryengritjes të vitit 2011, dhe janë afër qytetit të Homsit, duke kërcënuar lidhjet e Damaskut me bregdetin e Mesdheut dhe bazat ushtarake ruse.
