Reshjet e shiut dhe dëborës kanë shkaktuar vështirësi në qarkullimin e mjeteve në disa segmente rrugore në qarkun e Kukësit.
Rënia e gurëve dhe inerteve ka ndikuar në akset nacionale, duke penguar kalimin normal të mjeteve. Megjithatë, të gjitha akset janë të qarkullueshme dhe punimet për pastrimin vijojnë.
Nuk ka raportime për problematika emergjente, ndërsa disa zona mbeten pa energji elektrike dhe furnizimi me ujë është i kufizuar.
