Moti në Shqipëri sot do të jetë i paqëndrueshëm, me vranësira dhe rrebeshe shiu që do të dominonin, veçanërisht në zonat veriore dhe pjesërisht në ato të qendrës. Në zonat malore mbi 800 metra lartësi, do të ketë reshje dëbore.
Pjesa e dytë e ditës pritet të sjellë një përmirësim të dukshëm të kushteve të motit, me intervale me kthjellime në mbarë territorin.
Temperaturat do të bien, me vlera minimale që arrijnë deri në -1°C në Peshkopi dhe maksimale deri në 16°C në Elbasan dhe Fier. Era do të jetë mesatare deri e fortë, me shpejtësi mbi 55 km/h nga drejtimi verilindor, duke krijuar dallgëzim mbi 3 ballë në brigjet detare.
