Gjevalin Ndue Lika, 42 vjeç, ka ndërruar jetë në Spitalin Rajonal të Shkodrës si pasojë e një arresti kardiak. Ai ishte shoqëruar me urgjencë në spital pas marrjes së ndihmës së parë nga shërbimi shëndetësor i Burgut të Lezhës.
Lika vuante nga skizofrenia dhe trajtohej me medikamentin Resperidon. Që nga viti 2021, ai ndodhej në burgun e Lezhës, pas transferimit nga burgu i Krujës. Në vitin 2015, ai ishte arrestuar për dhunë në familje dhe ishte nën masë mjekësore të detyruar, të caktuar nga Gjykata e Tiranës.
Drejtoria e Përgjithshme e Burgjeve shpreh ngushëllimet për familjen e tij për humbjen e parakohshme.
