Detaje të reja janë zbardhur nga atentati ndaj dy shqiptarëve në Athinë, ku Irakli Davella u vra dhe Edi Lolo u plagos.
Dëshmitarët pranë vendit të ngjarjes kanë treguar për mediat greke se fillimisht menduan se ishin të shtëna fishekzjarresh. Një grua e pranishme ka thënë se pas dëgjimit të shpërthimeve, një fëmijë i është afruar dhe ka thënë “i kanë vrarë, i kanë goditur”.
Sipas dëshmitarëve, autorët ishin të veshur me të zeza, dhe pas ngjarjes, policia erdhi shpejt në vendngjarje ndërsa njerëzit filluan të grumbulloheshin, duke u munduar të kuptonin çfarë kishte ndodhur.
