Ikona e muzikës shqiptare, Parashqevi Simaku, ka rikthyer vëmendjen e publikut pas shumë vitesh, duke u shfaqur në një video të postuar nga një televizion amerikan, ku shikohej duke marrë ndihma sociale në New York. Pas këtij momenti, biznesmeni shqiptar Elton Ilirjani ka shpërndarë një video në të cilën tregohet se ai ka takuar këngëtaren dhe i ka siguruar një dhomë hoteli për tre javë.
Ilirjani ka publikuar më pas një postim në Insta Story, ku tregon se Parashqevi Simaku ka rifilluar kontaktin me familjen e saj pas një periudhe të gjatë ndarjeje. “Parashqevia u lidh pas shumë vitesh me vëllain e saj dhe nipat dhe mbesën! Familja e saj është tashmë në kontakt”, shkruan ai, duke dhënë një lajm të ngrohtë për fansat dhe familjen e artisteve.
