Gjykata Kushtetuese ka vendosur të shtyjë sërish seancën që do të shqyrtonte mandatin e Holta Zaçajt si kryetare e këtij institucioni.
Seanca e re pritet të zhvillohet më 23 dhjetor, në orën 13:00. Shtyrja erdhi pas kërkesës së Zaçajt për t’u njohur me vendimin e Gjykatës së Lartë, e cila konfirmoi se mandati i saj përfundon në pranverë të vitit 2025. Ndërkohë, Zaçaj pretendon se mandati i saj përfundon në fund të vitit 2025 dhe ka kërkuar një opinion nga Komisioni i Venecias mbi këtë çështje.
Gjykata ka pranuar kërkesën e saj për t’i dhënë kohë të mjaftueshme për të paraqitur një opinion me shkrim.
