Mediat greke kanë zbuluar detaje të reja nga aktivitetet e bandës së njohur si ‘banda e Mondit’, e drejtuar nga Edmond Perbasha, një 44-vjeçar nga Mirdita.
Anëtarët e bandës akuzohen për dhunë dhe kërcënime ndaj individëve që kishin borxhe klientëve të organizatës. Në dosjen hetimore përmenden biseda ku anëtarët e bandës merrnin urdhra për të dhunuar borxhlinjtë dhe për të shkaktuar frikë, duke kërcënuar me dhunë dhe duke vepruar nën mbrojtjen e autoriteteve të tjera të krimit.
Në një rast, dy anëtarë të bandës hezituan të vepronin pasi dyshonin për lidhjet e debitorit me emra të njohur të krimit në Greqi. Deri tani, janë arrestuar 26 persona, përfshirë Perbashën dhe nipin e tij, Klajvert Perbashën, si dhe anëtarë të tjerë të bandës, shumica shtetas shqiptarë dhe grekë.
