Europol (shiko këtu) ka goditur një grup kriminal gjatë një operacioni ndërkombëtar kundër pastrimit të parave. Sipas Europol, janë arrestuar 9 persona dhe sekuestruar 27 milionë euro në kriptovaluta.
Veprime hetimore janë kryer edhe në Shqipëri me mbështetjen e SPAK e BKH, dhe se ky operacion është vazhdim i operacionit “Gorgon” të muajit korrik ku u godit klani “Çopja” në Elbasan.
SPAK bëri me dije në atë kohë se kishte lëshuar 33 urdhër-arreste ndaj anëtarëve të dyshuar të një organizata kriminale, që drejtohet sipas hetuesve nga dy vëllezërit Franc dhe Hajdar Çopja.
