Autoriteti i Konkurrencës ka nisur monitorimin e çmimeve të produkteve të shportës ushqimore, në prag të festave të fundvitit, për të parandaluar abuzimet nga subjektet tregtare. Ky aksion synon të mbrojë konsumatorët dhe të sigurojë konkurrencë të drejtë në treg.
Autoriteti paralajmëroi se do të ndëshkojë ashpër çdo subjekt që abuzon me çmimet, në përputhje me ligjin nr. 9121/2003 “Për mbrojtjen e Konkurrencës”. Shkelësit mund të përballen me gjoba deri në 10% të xhiros vjetore, nëse do të evidentohen marrëveshje të paligjshme që pengojnë konkurrencën dhe rrisin artificialisht çmimet.
