Qeveria kroate ka njoftuar planet për rikthimin e shërbimit të detyrueshëm ushtarak, duke përfshirë të rinjtë në trajnime bazë ushtarake. Ministria e Mbrojtjes ka përgatitur një paketë ligjore që synon miratimin e ligjit në fillim të vitit 2025, ndërsa thirrjet për rekrutët e parë janë parashikuar për mes vitit 2025.
Ministri i Mbrojtjes, Ivan Anushiç, njoftoi se çdo vit do të përfshihen rreth 17,000 deri në 18,000 të rinj që mbushin 18 vjeç, ndërsa presidenti Zoran Milanoviç kërkoi që kjo iniciativë të diskutohet në Këshillin e Mbrojtjes për të analizuar të gjitha pasojat e saj.
Kroacia po ndjek kështu një trend rajonal, pas Serbisë, e cila ka shpallur gjithashtu planet për rikthimin e shërbimit ushtarak të detyrueshëm.
