Kryetari i Bashkisë Shkodër, Benet Beci, ka pritur në ambientet e bashkisë fituesit e edicionit të 63-të të Festivalit të Këngës, Betriçe Gjergji dhe Kolë Laca, të grupit “Shkodra Elektronike”.
Kënga e tyre “Zjerm”, e interpretuar me mjeshtëri, ka marrë mbështetje të gjerë nga publiku dhe ka siguruar një vend për Shkodrën në Eurovisionin e vitit 2025, që do të mbahet në Basel të Zvicrës. Beci ka uruar artistët dhe ka siguruar mbështetje maksimale për pjesëmarrjen e tyre, duke theksuar se ky sukses është një hap i madh për muzikën shqiptare dhe qytetin e Shkodrës.
“Shkodra Elektronike” ka sjellë një revolucion në muzikën shqiptare dhe do të përfaqësojë qytetin me krenari në këtë kompeticion ndërkombëtar.
