Dy profetët legjendarë, Baba Vanga dhe Nostradamus, kanë bërë parashikime të frikshme për vitin 2025, duke paralajmëruar për katastrofa dhe konflikte që mund të përfshijnë Europën dhe botën. Të dy kanë parashikuar se kontinentit mund t’i kanoset një periudhë e rrezikshme, duke përfshirë luftëra, fatkeqësi natyrore dhe përplasje të fuqive të mëdha.
Nostradamus ka shkruar se vitin që vjen mund të sjellë përplasje të fuqive të mëdha, që mund të lidhen me aktualet konflikte globale. Ai parashikon “luftëra mizore” në Europë dhe një ulje të ndikimit të shteteve perëndimore, duke hapur mundësinë e shfaqjes së fuqive të reja botërore. Nostradamus gjithashtu paralajmëron për një murtajë të ringjallur në Angli, që ai e quajti “murtajë e madhe nga e kaluara”.
Nga ana tjetër, Baba Vanga, e njohur për parashikimet e saj të sakta, ka thënë se popullsia e Europës është në rrezik të madh në vitin 2025, duke përfshirë katastrofa natyrore si tërmete shkatërruese që do të përfshijnë globin, me Europën si më të prekuren. Ajo gjithashtu parashikoi zhvendosje masive të njerëzve dhe dëme të mëdha në pasuri.
Në fund, para vdekjes së saj, Baba Vanga la pas një paralajmërim për Luftën e Tretë Botërore, duke thënë se Rusia do të dominojë botën, një profeci që ka lidhje me ndikimin e vazhdueshëm të presidentit rus, Vladimir Putin.
