Ditën e djeshme disa tornado ka goditur Teksasin dhe Mississippin duke dëmtuar shtëpitë dhe makinat. Gjithashtu janë vrarë dy persona dhe gjashtë të tjerë kanë mbetur të lënduar.
Një person vdiq në zonën e Liverpool, që ndodhet në jug të Houston, dhe katër persona pësuan lëndime që nuk konsideroheshin kritike.
Ndërsa në Mississippi, një person vdiq në qarkun Adams dhe dy persona u plagosën në qarkun Franklin, sipas agjencisë së menaxhimit të emergjencave të shtetit amerikan.
Gjithashtu stuhitë shkaktuan vonesa prej më shumë se një orë në dy aeroportet kryesore të Houston, Bush Intercontinental dhe Hobby. Ndërsa rreth 71 mijë klientë mbeten pa energji elektrike në Mississippi.
