Llogaria e deputetit demokrat Flamur Noka në Facebook është hakëruar dhe janë publikuar mesazhe mashtruese, përfshirë një falënderim për një “traniere” dhe përmendje të investimeve në Forex. Po ashtu, shumë qytetarë kanë rënë viktima të mesazheve mashtruese që u kanë ardhur në celularë, shpesh duke i drejtuar ata drejt linqeve të rrezikshme.
Policia e Shtetit ka reaguar, duke i bërë thirrje qytetarëve të mos hapin mesazhe të dyshimta dhe të mos klikojnë linqe të tilla. Ajo ka paralajmëruar se mesazhet mund të vijnë nga numra të panjohur ose të hakëruar, për të vjedhur informacionin e përdoruesve. Policia ka apeluar që çdo rast i tillë të denoncohet në strukturat e Krimit Kibernetik për hetime të mëtejshme dhe identifikimin e autorëve.
