Operacioni policor i koduar “Details” ka çuar në arrestimin e dy personave dhe shpalljen në kërkim të katër të tjerëve, të cilët goditën me sende të forta shtetasin A. R., 48 vjeç, në një berberhane në Tiranë. Ngjarja ndodhi më 5 janar 2025, dhe viktima ndodhet ende nën kujdesin e mjekëve.
Policia identifikoi dhe arrestoi në flagrancë G. K. (24 vjeç) dhe L. T. (31 vjeç), ndërsa shpalli në kërkim R. K., L. (A.) K., G. K., dhe D. (A.) K. Gjatë operacionit, janë sekuestruar një armë zjarri pistoletë, një armë gjahu, dy automjete dhe disa veshje që dyshohet se janë përdorur nga autorët. Hetimet vijojnë për zbardhjen e motiveve të krimit dhe kapjen e autorëve të tjerë.
