Pas marrjes së lejes së legalizimit, qytetarët duhet të aplikojnë pranë Agjencisë Shtetërore të Kadastrës për të regjistruar pronën dhe për t’u pajisur me certifikatën e pronësisë. Procesi është online në portalin “e-Albania”, ku duhet ngarkuar tri dokumente: certifikata e pronësisë, kartela e pasurisë dhe fragmenti i hartës kadastrale.
Pasi aplikimi është kryer, qytetarët duhet të paguajnë tarifat dhe taksat e kërkuara, përfshirë mundësinë e skonto për ata që janë në kategori vulnerabël.
Agjencia Shtetërore e Kadastrës ka theksuar se procesi i legalizimeve do të përmbyllet deri në vitin 2028, megjithatë, ka pasur vonesa dhe sfida si digjitalizimi i arkivave dhe mbivendosjet e hartografisë.
Sipas statistikave, ende një e katërta e pasurive në Shqipëri janë të palegalizuara, dhe ndërkohë që legalizimet janë bllokuar për shkak të periudhës zgjedhore, punën për këtë proces do ta vazhdojnë pas përfundimit të fushatës.
