Në Katedralen “Ngjallja e Krishtit” në Korçë, sot (10 janar) është mbajtur një ceremoni paraklis për shëndetin e Kryepeshkopit Anastas Janullatos. Besimtarët u mblodhën për të lutur dhe kërkuar shërim për Kryepeshkopin, duke ndezur qirinj për shpresë dhe jetën. Pjesëmarrësit shprehën besimin për një rikuperim të shpejtë dhe të plotë, duke e mbështetur me lutje këtë moment të vështirë.
Kryepeshkopi Anastas është shtruar në spital që nga fundi i dhjetorit 2024 për shkak të një viroze stine, dhe më pas gjendja e tij është përkeqësuar. Ai është dërguar në Athinë më 3 janar për trajtim më të specializuar, por mjekët janë të shqetësuar për shëndetin e tij për shkak të moshës së avancuar.
