Myrto Uzuni po kalon një periudhë të vështirë te Granada, pasi vazhdon të mos stërvitet me pjesën tjetër të skuadrës dhe pret një vendim për të ardhmen e tij. Edhe pse ka marrë një ofertë nga Austin FC në MLS, klubi spanjoll refuzon ta lërë të largohet dhe nuk përmirëson kushtet financiare, ashtu siç ishte premtuar.
Në këtë situatë, Uzuni ka marrë mbështetje të fortë nga tifozët e Granadës dhe nga sulmuesi i Bajern Mynih, Brajan Zaragoza. Zaragoza, i cili ka luajtur me Uzunin te Granada, ka postuar një foto me të dhe ka dërguar një mesazh mbështetjeje, duke shkruar “Të dua”. Uzuni ia ka kthyer falënderimin, duke shprehur se Zaragoza e kupton më mirë situatën dhe e ndjen mungesën e tij.
