Gjykata e Posaçme e Korrupsionit dhe Krimit të Organizuar (GJKKO) ka dënuar ish-kryebashkiaken e Patosit, Rajmonda Balilaj, me 1 vit e 6 muaj burg, pas akuzave për shkelje të barazisë së pjesëmarrësve në tendera dhe ankande publike. Pas aplikimit të gjykimit të shkurtuar, dënimi u ul në 1 vit e 4 muaj burg dhe vendoset pezullimi i ekzekutimit të dënimit, duke i caktuar shërbim prove për dy vjet e 8 muaj.
Gjithashtu, të pandehurit të tjerë të përfshirë në këtë çështje – Anisa Petani, Enirjada Rizaj dhe Shkëlqim Beqiraj – janë dënuar me dënime nga 1 vit deri në 1 vit e 6 muaj burg, gjithashtu të përfituar nga gjykimi i shkurtuar dhe janë vendosur në shërbim prove për periudha nga dy deri në pesë vjet, duke i humbur të drejtat për të ushtruar funksione publike për pesë vjet.
Vendimi mund të ankimohet në Gjykatën e Apelit për Korrupsionin dhe Krimin e Organizuar.
