Suzana Koçibeli, një 62-vjeçare shqiptare që kishte humbur kontaktet me familjen e saj para dy javësh, është gjetur e vdekur pranë termocentralit Enel, në zonën Castel Giubileo të Romës. Trupi i saj u zbulua nga punonjësit e termocentralit, të cilët njoftuan autoritetet.
Hetimet fillestare tregojnë se trupi i viktimës nuk ka patur shenja dhune dhe dyshohet se ajo mund të ketë kryer vetëvrasje. Familjarët e saj kishin deklaruar më herët se znj. Koçibeli vuante nga depresioni. Trupi i saj kishte disa ditë në ujë dhe, pas hetimeve, u dërgua në morg për autopsi. Autoritetet lokale janë duke e shqyrtuar rastin.
Familjarët e Koçibelit kishin denoncuar zhdukjen e saj në polici. Vajza e saj, në një intervistë për gazetën italiane, shprehu shqetësimin për nënën e saj dhe shprehu dëshirën që ajo të kthehej në shtëpi, duke theksuar se kishin biseduar për herë të fundit një natë para zhdukjes së saj.
