Për fundjavën, vendi ynë do të vijojë të ndikohet nga kushte atmosferike të qëndrueshme, sipas Shërbimit Meteorologjik Ushtarak.
Moti do të jetë kryesisht i kthjellët, me vranësira kalimtare që priten përgjatë relieveve malore, veçanërisht pas mesditës. Mjegulla do të shfaqet në disa zona lugjore gjatë orëve të mëngjesit dhe të mbrëmjes, si dhe ngrica të mundshme në rrugët e lindjes dhe verilindjes.
Era do të fryjë me drejtim verilindje – veriperëndim me shpejtësi deri 8m/sek, ndërsa në vijën bregdetare dhe lugina, do të ketë erë deri në 12m/sek, e shoqëruar me valëzim të lehtë në det.
