Gjykata e Tiranës ka shpallur fajtor Princ Lekën dhe Gjergj Zaharinë për dhunën që ndodhi në oborrin mbretëror.
Princ Leka u dënua me 8 muaj burg për dhunë në familje dhe i konvertohet me 16 muaj shërbim prove. Ndërsa Gjergj Zaharia u dënua me 6 muaj e 20 ditë burg, të konvertuar në 1 vit e 40 ditë liri me kusht. Gjithashtu Elia Zaharia u shpall e pafajshme.
Ndërkohë më 25 prill Gjykata e Tiranës vendosi zgjidhjen e kurorës martesore mes Princ Lekës dhe Elia Zaharinë. Princ Leka ka pranuar që vajza e tyre 3-vjeçare të lihet nën kujdesin e nënës Elia, për t’u përgjigjur për kujdesin dhe edukimin e saj.
