Komisioni Qendror i Zgjedhjeve (KQZ) ka vendosur që çdo të hënë të dërgojë në Drejtorinë e Përgjithshme të Gjendjes Civile (DPGjC) listën e shtetasve që kanë miratuar kërkesën për regjistrim në zgjedhjet për Kuvendin e Shqipërisë më 11 maj 2025.
Ky proces do të menaxhohet nga Platforma Elektronike e Regjistrimit (PER), që do të gjenerojë listat në mënyrë automatike. DPGjC do të hartojë dhe publikojë ekstraktin e listës brenda 24 orëve nga marrja e informacionit.
Kjo masë është marrë për të përshpejtuar dhe lehtësuar procesin e identifikimit dhe përgatitjes së zgjedhësve nga diaspora për zgjedhjet e ardhshme.
