Mbrëmjen e sotme në emisionin 5 pyetjet nga Babaramo po diskutohet për zgjedhjet e 11 majit. I ftuari gazetari Floger Muca u shpreh se partitë e vogla janë potencial i humbur.
“Nuk ka rotacion, pasi nga partia mëmë ajo demokratike kemi disa parti të ndara. Pa llogaritur faktin që kemi një kryetar për kryeministër që ka mandatin e pestë. Të gjitha këto dhe sondazhet dhe zgjedjet ku Rama i kishte marrë plumbat nga SPAK në 2021 pamë një imazh ku PS ruan bazën e vet të votave. Për shkak të sistetimit është e favorizuar. Në Kosovë dhe Shqipëri kemi opozita të dobëta, në Kosovë janë më reagues edhe e kthejnë votat.
Partitë e reja janë potencial i humbur jo se nuk kanë teren. Sot Shabani e ka terren më të favorshëm për të pasur një rezultat të qartë dhe ka një moment historik për partitë e reja.
Fati i keq për partitë e reja është protagonizmi, me potencial të jashtëzakonshëm kanë defekt themelor që të gjithë proçektorët i kanë marrë, po nuk je në media nuk ekziston. Sot nuk është momenti që duhet partia e madhe për të mundur Edi Ramën.
