Sot, në datën 29 janar 2025, moti do të jetë i paqëndrueshëm në Shqipëri. Qarkullimi i masave ajrore nga Jugperëndimi do të sjellë vranësira dhe rrebeshe shiu në zonat e ulëta dhe bregdetare, ndërsa në zonat e thella malore priten reshje dëbore.
Pjesa e dytë e ditës do të vijojë me kushte atmosferike të paqëndrueshme, ku reshjet do të mbeten prezent në të gjithë vendin. Temperaturat do të kenë një rritje në mëngjes, por do të bien gjatë ditës, me minimumin që pritet të arrijë deri në 2°C në zonat verilindore dhe maksimumin deri në 18°C përgjatë vijës bregdetare.
Era do të fryjë mesatare deri e fortë, duke arritur shpejtësinë maksimale deri në 55 km/h nga drejtimi Jugor, dhe do të krijohet dallgëzim deri në 4 ballë në brigjet e Adriatikut dhe Jonit.
