Parlamenti gjerman ka miratuar me tri vota diferencë propozimin për ashpërsimin e politikës për azilin, të paraqitur nga Friedrich Merz, kandidati për kancelar i CDU-së.
Mocioni kërkon ndërmarrjen e kontrolleve të vazhdueshme kufitare dhe ndalimin e hyrjes së atyre që nuk kanë dokumente të vlefshme.
Po ashtu, parashikohet deportimi i personave që nuk kanë leje qëndrimi. Për të miratuar plotësisht ndryshimet, projektligji duhet të kalojë gjithashtu nga Këshilli Federal.
