Irena Gjoka jep dorëheqjen nga dosja e “Toyota Auris” dhe shorti në vendin e saj ka caktuar gjyqtarin Erjon Çela. Të pandehur në këtë dosje janë marrë ish-kryeprokurori i Vlorës, Aurel Zarka, ish-oficerja gjyqësore, Erjona Daupaj, avokati Radovan Çela dhe Astrit Vladi.
Gjyqtarja ka shqyrtuar më herët çështjen e sekuestrimit të pasurive të Suel Çelës kreu i një organizate kriminale me bazë të gjerë dhe rezulton se kjo pika është një nga akuzat që rëndon ndaj të pandehurve.
Po ashtu, në komunikimet në aplikacionin SkyEcc ata kanë diskutuar për mënyrën se si do të ndikonin sistemin e drejtësisë për të çliruar nga sekuestro pasuritë e Çelës. Për këtë shkak, gjyqtarja ka vlerësuar se është në konflikt interesi dhe se mund të jetë dhe dëshmitare në proces.
