Gjatë natës së kaluar, reshjet e dendura të shiut shkaktuan përmbytje në fshatin Murqinë të Njësisë Administrative Bubq në Krujë. Lumi Ishëm ka dalë nga shtrati, duke përmbytur disa hektarë tokë bujqësore, ndërsa disa familje janë izoluar për shkak të ujërave që mbajnë rrugët të bllokuara.
Reshjet janë ndaluar dhe tani ka filluar largimi i ujërave nga parcelat e fermerëve. Megjithatë, lumi Ishëm ka shkaktuar probleme të vazhdueshme për fermerët e zonës dhe mbetet urgjente pastrimi i tij dhe kanaleve kulluese për të parandaluar përmbytjet në të ardhmen.
