Mario Mitaj është transferuar në klubin e njohur të futbollit Al Itihad në Arabinë Saudite, pas një marrëveshje për 4 milionë euro. Lajmin e ka bërë të ditur vetë klubi i Lokomotivës së Moskës, i cili zotëronte të drejtat për mbrojtësin e Kombëtares shqiptare.
Mitaj kishte kaluar në huazim te Al Itihad për pjesën e parë të sezonit, ku kishte bërë një përshtypje pozitive, duke bindur klubin saudite që ta blinte përfundimisht. Tani ai do të bashkohet me superyllin Karim Benzema në skuadrën që po kërkon të fitojë titullin kampion në Arabinë Saudite.
Lokomotiva e Moskës falënderoi Mitajn për kontributin e tij dhe i uroi suksese në aventurën e tij të re me Al Itihad.
