Aktori i njohur Olsi Bylyku ka konfirmuar së fundmi romancën e tij me gazetaren Denada Lura, duke publikuar një foto romantike me të dashurën në InstaStory-n e tij. Pas periudhës së rezervuar, ai ka ndarë një moment të lumtur me partneren, duke shtuar në sfond një këngë të tijën, të cilën duket se ia dedikon Denadës.
Pavarësisht se Olsi ka preferuar të mbajë të fshehur jetën private gjatë kësaj periudhe, një urim i tij për mikeshën Sara Gjordeni gjatë verës e ka konfirmuar identitetin e Denadës. Gjatë asaj kohe, ai e ka uruar atë edhe për ditëlindje.
Kjo është hera e parë që Olsi ndan një moment të tillë në rrjetet sociale, duke treguar se është më i hapur për jetën e tij personale.
