Papunësia në Gjermani ka arritur në 6.4% gjatë muajit janar, duke shënuar një rekord të ri në dekadën e fundit. Sipas Agjencisë Federale të Punësimit, 2.993 milionë qytetarë janë regjistruar si të papunë, një rritje krahasuar me vitet e kaluara.
Ky numër është më i larti që nga shkurti i vitit 2015. Ekspertët lidhin këtë rritje me përfundimin e kontratave të punës në fund të vitit, kushtet atmosferike dhe dobësinë e përgjithshme ekonomike. Kërkesa për fuqi punëtore po bie gjithashtu, duke shkaktuar një rënie të vendeve të lira të punës.
Kryetari i Shoqatës së Punëdhënësve, Rainer Dulger, e ka cilësuar këtë situatë si një “sinjal rreziku” për tregun e punës.
