Një situatë e papritur ndodhi në Kuvend, kur deputeti Asllan Dogjani, gjatë fjalës së tij për rendin dhe sigurinë, bëri disa gafë teksa përmendi ngjarjet kriminale dhe emrat e viktimave.
Kur përmendi vrasjen e Bujar Nasufit, Dogjani në lapsus tha “vrasja e Fadil Nasufit”, duke shkaktuar të qeshura të forta në sallë, pasi Fadil Nasufi është deputet socialist në Kuvend dhe ish-kryebashkiak i Beratit.
Dogjani, duke e kuptuar gabimin, kërkoi ndjesë në anglisht, duke thënë:
Sorry, sorry....” (më vjen keq, ndjesë), tha ai.
Duke vazhduar fjalën, teksa të qeshurat e kolegëve vijonin, Dogjani iu drejtua kolegut Nasufi:
“Fadil, do të të zgjatet jeta…”.
Në mënyrë përtë hequr vëmendjen, Dogjani jo pa qëllim kujtoi edhe një ‘viktimë’ tjetër.
“Vrasja e Lulzim Bashës…”, tha ai dhe të qeshurat vijuan. Teksa shtoi: “Këtë e thashë për humor, për ta parë që ju qeshni edhe me vrasjet”.
