Në seancën plenare të sotme, deputeti Sula ngriti akuza të ndaj mazhorancës, duke theksuar se projektligjet po miratohen në mënyrë të njëanshme dhe në shkelje të Kushtetutës.
Sula përmendi gjithashtu vonesat e vazhdueshme në nisjen e nismave nga opozita dhe akuzoi qeverinë për keqmenaxhim të fondeve në sektorin e bujqësisë.
“Ju, zonja kryetare, në mënyrë të njëanshme keni sjellë një projektligj që është në shkelje hapur të paketës ligjore dhe, ndërkohë që keni pasur mundësinë, keni treguar se keni vonuar nisjen e nismave të opozitës për muaj, e jo për javë. Shumë prej ligjeve nuk i keni paraqitur në kohën që duhej dhe, si Kuvend, nuk keni respektuar Kushtetutën, duke u tallur me vendin. Kështu, keni demonstruar se nuk keni përgjegjshmëri. Në lidhje me bujqësinë, qeveria kishte fonde dhe subvencione, por nuk ishin përdorur siç duhet nga ish-ministrja e Bujqësisë. Këto janë të vërtetuara dhe hetuar nga SPAK. Ju, si mazhorancë, nuk e keni mbështetur bujqësinë. Mos bëni kot, se keni lot krokodili.”
