Presidenti ukrainas Volodymyr Zelensky deklaroi se nevojitet më shumë punë për të hartuar një plan që të ndalojë Putinin dhe të përfundojë luftën në Ukrainë. Pas takimit me nënpresidentin e SHBA JD Vance, Zelensky theksoi se Ukraina dëshiron paqen, por kërkon garanci sigurie.
“Në të vërtetë ajo që duhet të bëjmë është të flasim më shumë, të punojmë më shumë dhe të përgatisim planin, si të ndalojmë Putinin dhe të përfundojmë luftën”, tha Zelensky.
Ai po ashtu shprehu mirënjohjen për mbështetjen amerikane dhe theksoi rëndësinë e bisedimeve me liderët e SHBA dhe BE për një plan paqeje.
Vance, gjatë fjalimit në Mynih, paralajmëroi Evropën për migrimin ilegal dhe mundësinë e humbjes së mbështetjes popullore.
