Udhëheqësit evropianë do të mblidhen javën e ardhshme për një samit urgjent mbi luftën në Ukrainë, pas shqetësimeve se SHBA po përparon me bisedimet e paqes me Rusinë, që mund të dëmtojnë interesat e Europës.
Sir Keir Starmer, i cili do të marrë pjesë në samitin në Paris, e ka cilësuar këtë moment si të jashtëzakonshëm për sigurinë kombëtare dhe ka theksuar se Evropa duhet të luajë një rol më të madh në NATO. Kjo mbledhje vjen pas deklaratës së dërguarit të posaçëm të Donald Trump për Ukrainën, i cili njoftoi se liderët evropianë do të konsultohen, por nuk do të përfshihen në bisedimet midis SHBA-së dhe Rusisë për përfundimin e luftës.
Zyrtarë të lartë të Shtëpisë së Bardhë, përfshirë Sekretarin e Shtetit Marco Rubio, do të takohen me negociatorët rusë në Arabinë Saudite, ndërkohë që Ukraina, megjithëse e ftuar, nuk ka pranuar ende të marrë pjesë në këto diskutime.
