Sekretari amerikan i Shtetit, Marco Rubio, ka biseduar me homologët e tij nga Britania, Franca, Italia dhe Gjermania pas takimit me ministrin e Jashtëm rus, Sergei Lavrov, në Riad. Ky takim ishte pjesë e një delegacioni amerikan në Arabinë Saudite.
Sipas ministrisë së Jashtme franceze, as Ukraina dhe as përfaqësuesit evropianë nuk ishin të ftuar në këtë bisedim, por Rubio ka diskutuar më pas për takimin me kolegët e tij evropianë.
Po ashtu, Rubio përfshiu Kaja Kallas, shefen e politikës së jashtme të Bashkimit Evropian, në këto biseda, theksoi ministria e jashtme franceze.
