Ministri i Jashtëm italian, Antonio Tajani, ka theksuar se Evropa duhet të luajë një rol aktiv në negociatat për paqen në Ukrainë. Ai ka shprehur shqetësimin që bisedimet aktuale mes Rusisë dhe SHBA-ve po zhvillohen pa përfshirjen e Ukrainës. Tajani ka thënë se Evropa duhet të jetë pjesë e tryezës e kur të vijë momenti i duhur për të arritur një marrëveshje paqeje.
Ndërkohë, Rusia njoftoi se ka kapur tre fshatra të tjerë në rajonin e Donetskut, duke theksuar se forcat e saj po përparojnë ngadalë, por me qëndrueshmëri. Ky zhvillim vjen pas deklaratave të Moskës që shpreh gatishmërinë për bisedime për t’i dhënë fund luftës.
