Në një gjyq të zhvilluar në Gjykatën e Posaçme, Nuredin Dumani, i penduar i drejtësisë, ka zbuluar emra dhe episodet kriminale të kryera me bashkëpunëtorët e tij. Gjatë seancës, Dumani u ballafaqua me Xhuljan Hoxhën, të cilin e akuzoi se i kishte shërbyer grupit kriminal Çapja në Elbasan.
Dumani sqaroi se informacionin për këtë e kishte marrë nga Suel Çela në vitin 2022, i cili kishte pasur një dosje të plotë për këtë çështje. Gjatë seancës, Hoxha u përpoq të mohojë akuzat, por Dumani insistoi për lidhjet e tij me grupin Çapja.
Pjesa nga biseda në gjyq
Avokati: Nga momenti që ndërruat vendimmarrjen nga Dine Çami tek Bujar Çela iu ka ardhur ndonjë informacion nga Xhuljan Hoxha?
Nuredin Dumani: Jo nuk na ka sjellë.
Xhuljan Hoxha: Dumani ka deklaruar që unë i kam shërbyer grupit kriminal Çapja, kujt personi i kam shërbyer?
Nuredin Dumani: Emër nuk di. Kam folur me Suel Çelën në 2022, dhe ai kishte komplet dosjen. Dhe une e di nga Sueli këtë. Ndërsa ne fillim ma ka thënë Erion Alibej që ti i ke shërbyer Çapjave. Unë vetë nuk të kam parë dhe nuk e di i ke shërbyer Çapjave apo jo.
Xhuljan Hoxha: A më ka parë mua Dumani ndonjëherë të marr lekë unë nga Erion Alibej?
