I penduari i drejtësisë për dosjen “Plumbi i artë”, Nuredin Dumani, ka vijuar sot (25 shkurt) dëshminë e tij në GJKKO.
Ai ka rrëfyer detaje për organizatat kriminale, vrasjet me pagesë dhe atentatet, duke përfshirë edhe konfliktin e tij me Talo Çelën, ish-mikun e tij të kthyer në armik. Dumani ka pohuar se Talo Çela kishte dashur ta vriste, ndërsa ka shpjeguar se miqësia e tyre e vjetër u shkatërrua, duke çuar në një hakmarrje të përgjakshme që solli disa viktima.
“Talo Çela donte të na vriste, me informoi dhe miku im Fatmir Troplini”, tha ai ndër të tjera.
Dumani vazhdon t’i përgjigjet pyetjeve të avokatëve të të pandehurve nga GJKKO.
