Gjykata e Bosnje-Hercegovinës e ka dënuar presidentin e Republikës Sërpska, Millorad Dodik, me një vit burgim dhe gjashtë vjet ndalesë të ushtrimit të detyrës. Kjo për mosrespektimin e vendimeve të Përfaqësuesit të Lartë të bashkësisë ndërkombëtare, Christian Schmidt. Dënimi është shpallur në shkallën e parë dhe Dodik ka të drejtë ta ankimojë atë.
Ndërkohë, në Banjallukë, është mbajtur një protestë mbështetjeje për presidentin, ku disa mbështetës mbanin pankarta që shpreheshin kundër dënimit, duke e konsideruar atë si një sulm ndaj Republikës Sërpska.
Dodik kishte njoftuar se nuk do të merrte pjesë në shpalljen e aktgjykimit, por ishte i pranishëm në Kuvendin Popullor të Republikës Sërpska pak para shpalljes së dënimit.
